बझाङ । जयपृथ्वी बहुमुखी क्याम्पस भोपुरमा संञ्चालन हुने सप्ताहव्यापी खेलकुदको उद्घाटन गरिएको छ । आज एक औपचारिक कार्यक्रमकावीच जयपृथ्वी नगरपालिकाका नगर प्रमुख चेतराज बजालले कार्यत्रम उद्घाटन गर्नुभएको हो । आजबाट सुरू भएको कार्यत्रम एक हप्तासम्म संञ्चालन हुने भएको छ ।
कार्यक्रममा बोल्दै जयपृथ्वी नगरपालिकाका प्रमुख तथा कार्यक्रमका प्रमुख अतिथी चेतराज बजालले आफु नगरप्रमुख हुनुभन्दा अगाडि जिल्ला विकास समितिमा हुँदा पनि क्याम्पसका लागि धेरै कामहरू गरेको र आगामी दिनहरुमा पनि यस क्याम्पसका लागी थुप्रै सहयोग गर्ने बताउनु भएको छ । उहाँले आफ्नो क्षमताले भ्याएसम्म क्याम्पसको भौतिक तथा शैक्षिक अवस्था सुधारकालागी काम गर्ने बताउँदै आफुले अध्ययन गरेको क्याम्पस नमुना बनाउनका लागी आफ्नो काँधमा जिम्मेवारी समेत आएको बताउनुभयो ।
यस्तै कार्यक्रममा बोल्दै जयपृथ्वी नगरपालिका वडा नं. ११ का वडाध्यक्ष सर्जन बहादुर थापाले खेलकुदले राष्ट्रलाइ चिनाउने भएका कारण विद्यार्थीहरुलाई शैक्षिक विषयहरुका साथै खेल क्षेत्रमा पनि लगनशिल हुन आग्रह गर्नु भयो । साथै आफुले क्याम्पसको खेल मैदान निर्माणको लागि तथा क्याम्पसको माग अनुसार बजेट बिनियोजन गर्न नगरपालिकामा पहल गर्ने समेत बताउनुभयो ।
कार्यत्रममा बोल्दै विध्यार्थी संगठनहरूले स्थानीय सरकारले विध्यार्थीको माग अनुसार खेल र शिक्षामा लगानि गर्न पनि आग्रह गरेका थिए । सप्ताहव्यापी रुपमा संञ्चालन हुने खेलकुदमा भलिबल, ब्याम्यान्टिन, चेस, दौड, टेवलटेनिस, हाजिरिजवाफ, हिज्य, बक्तित्वकला, कविता, निबन्ध लगाएतका कार्यक्रम हुने जयपृथ्वी बहुमुखी क्याम्पस भोपुरका क्याम्पस प्रमुख मोहनराज उपाध्यायले जानकारी दिनुभयो ।
