बझाङ : बझाङमा जङ्गलमा उपयोग विहिनभई खेर गई रहेको अल्लोलाई प्रशोधन गरेर कपडा बनाउन सुरु गरिएको छ ।
थलारा गाँउपालीका २ मोराइलमा अन्जु खाती र जौमती देवी खातीले परम्परागत उद्योगबाट कपडा बुन्ने कामको थालनी गरेकी हुन् ।।
उनले जङ्गलमा खेर गइरहेको अल्लोलाई प्रशोधन गरि कपडा बुन्ने गरेकी छन् ।
उनले बुनेको कपडालाई गाउँपालिकाले खरिद गरि विद्याथीहरुका लागि झोला बनाउन सुरु गरिएको छ ।
आफ्नो काममा गाउँपालिकाकोसमेत साथ पाएपछि आफुहरु उत्साहित भएर अल्लोको कपडा बनाइरहेको उनले बताइन्।
आफूहरूलाई केही समय अघि युुएमएन र प्रगतिशील युवा समाज संस्थाले ३ महिना तालीमका लागि दाङ जिल्ला पठाएर धाँगो बनाउने सिप सिकाएको र अहिले आफूहरूले आफ्नै गाउँमै उद्योग सुरुवात गरिएको अन्जु खातीले बताइन् ।
जङ्गलबाट अल्लो ल्याएर प्रशोधन गरि धागो बनाएर दुई महिला आत्मनिर्भर भइरहेको देखेसँगै अहिले अन्य महिलाहरूले पनि खातीको कामको सिको गरिरहेका छन् ।
अल्लोको कपडा उद्योग प्रवदर्न गर्न स्थानीय महलिाहरुलाई आवश्यक सिप सामाग्रीको सागै उत्पादित कपडा खरिद गर्ने कार्यमा युुएमएन संस्था र पालीकाले चाँजोपाँजो गरि दिएपछि यहाँका अन्य महिलाहरू पनि यो उद्योगसँग आकर्षित भएका हुन् ।
युुनाइटेड मिसन टु नेपालकी कर्मचारी इन्दिरा राईले अल्लो प्रशोधन गरि कपडा निकाल्ने काम बिस्तारै सफल हुँदै गइरहेको बताइन् ।
आफूहरूको प्रयास सफल भइरहेकाले अन्य पालिकाहरूमा पनि यो उद्योगको लागि पहल गरिन लागिएको र अल्लोको कपडा उद्योग सञ्चालन भए गाउँघरका महिलाहरूले रोजगारी पाउने अपेक्षा गरिएको उनको भनाई छ ।
संस्थाले अल्लोको कपडा उत्पादन साथै अल्लोका झोला बनाउने तालीम पनि महिलाहरूलाई दिइरहेको उनको भनाई छ ।
